ദൈവനാമത്തിനു മഹത്വം ഉണ്ടാകട്ടെ    

സങ്കീർത്തനങ്ങൾ 96: 4 യഹോവ വലിയവനും ഏറ്റവും സ്തുത്യനും ആകുന്നു; അവൻ സകലദേവന്മാരെക്കാളും ഭയപ്പെടുവാൻ യോഗ്യൻ. 

കർത്താവിന്റെ കൃപ നിങ്ങൾ എല്ലാവരോടും കൂടെ ഇരിക്കുമാറാകട്ടെ, ആമേൻ, 

ഹല്ലേലൂയ്യാ.

കർത്താവാണ് വാഴുന്നത്

കർത്താവിൽ പ്രിയമുള്ളവരേ, കഴിഞ്ഞ ദിവസങ്ങളിൽ നാം ധ്യാനിച്ച വേദ ഭാഗത്ത്, നമ്മുടെ ദൈവം മോശെക്കു മുൾപടർപ്പിന്റെ നടുവിൽ നിന്ന് പ്രത്യക്ഷപ്പെട്ടതായി നാം കണ്ടു. ആ ദർശനം നമ്മുടെ ജീവിതത്തിന്നും ഒരു പ്രധാന ദർശനമാണ്. കാരണം, മിസ്രയീമിന്റെ അടിമത്തത്തിലുള്ള ഇസ്രായേല്യരെ വിടുവിക്കാൻ ദൈവം മുൾപടർപ്പിന്റെ നടുവിൽ നിന്നു മോശെയെ വിളിക്കുന്നു. ദൈവം മുൾപടർപ്പിന്റെ നടുവിൽ നിൽക്കാൻ കാരണം യഥാർത്ഥത്തിൽ ലോകത്തിന്റെ എല്ലാ ആശങ്കകളും, ലോക മോഹങ്ങളും, നമ്മുടെ ആത്മാവിൽ നിലനിൽക്കുന്ന ലോകത്തിന്റെ ആനന്ദങ്ങളുമെല്ലാം നശിപ്പിക്കുക എന്നതിന്നു ദൈവം മുൾപ്പടർപ്പിന്റെ മധ്യത്തിൽ വെളിപ്പെട്ടതു കാണുന്നു. ഇത് നമ്മുടെ ആത്മാവിന്റെ രക്ഷയെ ഒരു ദൃഷ്ടാന്തമായി കാണിക്കുന്നു.

മിസ്രയീമിൽ  നിന്ന് യിസ്രായേൽ ജനം വീണ്ടെടുക്കാനും നമ്മുടെ ദൈവം മോശെ അയക്കുന്നതും, ഞാൻ ഞാൻ ആകുന്നവൻ ഞാനാകുന്നു എന്ന ദൈവം, പാപത്തിന്റെ കുഴിയിൽ കുടുങ്ങിയ നമ്മുടെ ആത്മാവു ദൈവം വിടുവിക്കുകയും നമ്മളെ ദൈവസന്നിധിയിൽ നിർത്തുവാൻ, ദൈവം പഴയനിയമത്തിൽ മോശയെ ഉപയോഗിക്കുകയും അത് നമുക്ക് വ്യക്തമാക്കുകയും ചെയ്യുന്നു.

അതുകൊണ്ടാണ് സങ്കീർത്തനങ്ങൾ 97: 1 - 7 ൽ യഹോവ വാഴുന്നു; ഭൂമി ഘോഷിച്ചാനന്ദിക്കട്ടെ; ബഹുദ്വീപുകളും സന്തോഷിക്കട്ടെ.

മേഘവും അന്ധകാരവും അവന്റെ ചുറ്റും ഇരിക്കുന്നു; നീതിയും ന്യായവും അവന്റെ സിംഹാസനത്തിന്റെ അടിസ്ഥാനമാകുന്നു.

തീ അവന്നു മുമ്പായി പോകുന്നു; ചുറ്റുമുള്ള അവന്റെ വൈരികളെ ദഹിപ്പിക്കുന്നു.

അവന്റെ മിന്നലുകൾ ഭൂതലത്തെ പ്രകാശിപ്പിക്കുന്നു; ഭൂമി കണ്ടു വിറെക്കുന്നു.

യഹോവയുടെ സന്നിധിയിൽ, സർവ്വഭൂമിയുടെയും കർത്താവിന്റെ സന്നിധിയിൽ, പർവ്വതങ്ങൾ മെഴുകുപോലെ ഉരുകുന്നു.

ആകാശം അവന്റെ നീതിയെ പ്രസിദ്ധമാക്കുന്നു; സകലജാതികളും അവന്റെ മഹത്വത്തെ കാണുന്നു.

കാഹളങ്ങളോടും തൂർയ്യനാദത്തോടുംകൂടെ രാജാവായ യഹോവയുടെ സന്നിധിയിൽ ഘോഷിപ്പിൻ!

ഈ രീതിയിൽ, ദൈവം നമ്മുടെ ഉള്ളിൽ പ്രകാശിക്കുന്നുവെങ്കിൽ, നമ്മുടെ ഉള്ളിൽ ദൈവത്തിന്നു പ്രിയമില്ലാത്ത ശത്രുവിന്റെ എല്ലാ പ്രവൃത്തികളെയും ദൈവം നമ്മുടെ ആത്മാവിൽ നിന്ന് നീക്കം ചെയ്യുകയും ദൈവം നമ്മെ ശുദ്ധീകരിക്കുകയും ചെയ്യും. അപ്പോൾ മാത്രമേ നമ്മൾ രക്ഷിക്കപ്പെടുകയുള്ളൂ. അപ്പോൾ നമ്മുടെ ഹൃദയത്തിൽ ഉള്ള വിഗ്രഹങ്ങൾ, സ്വരൂപങ്ങൾ, ദൈവത്തെക്കൂടാതെ മറ്റ് ദേവന്മാർ (നമ്മുടെ ആത്മാവിൽ സൂക്ഷിച്ചിരിക്കുന്ന എല്ലാ ദുഷ്ട സ്വഭാവങ്ങളും) നശിപ്പിക്കപ്പെടും. അപ്പോൾ ദൈവം അവന്റെ സിംഹാസനത്തിൽ മഹത്വപ്പെടും. അവന്റെ സിംഹാസനം നമ്മുടെ ആത്മാവിൽ ഉണ്ടെന്ന് നാം അറിഞ്ഞിരിക്കണം. തുടക്കത്തിൽ നാം പാപത്തിന്റെ അടിമയായി ജീവിച്ചിരുന്ന കാലത്താണ് ഫറവോന്റെ സിംഹാസനം ഇരുന്നതു, ദൈവം മോശെയെയും അഹരോനെയും ഉപയോഗിച്ച് ഫറവോന്റെ സിംഹാസനത്തിൽ തുടങ്ങി മിസ്രയീമിൽ ബാധകൾ അയച്ചു ,അവസാനം എല്ലാ കടിഞ്ഞൂലുകളെയും സംഹരിച്ചതിന്നു ശേഷം യിസ്രായേലിനെ വീണ്ടെടുക്കുന്നു. കാരണം, സിംഹാസനം ദൈവത്തിന്റേതാണ്, നീതിയും ന്യായവും അവന്റെ സിംഹാസനത്തിന്റെ അടിസ്ഥാനം.

നമ്മുടെ ഹൃദയത്തിൽ നീതിയും ന്യായവും നിറഞ്ഞിരിക്കണം. യിരെമ്യാവു 17: 9 – 11 ഹൃദയം എല്ലാറ്റിനെക്കാളും കപടവും വിഷമവുമുള്ളതു; അതു ആരാഞ്ഞറിയുന്നവൻ ആർ?

യഹോവയായ ഞാൻ ഹൃദയത്തെ ശോധനചെയ്തു അന്തരംഗങ്ങളെ പരീക്ഷിച്ചു ഓരോരുത്തന്നു അവനവന്റെ നടപ്പിന്നും പ്രവൃത്തിയുടെ ഫലത്തിന്നും തക്കവണ്ണം കൊടുക്കുന്നു.

ന്യായമായിട്ടല്ലാതെ ധനം സമ്പാദിക്കുന്നവൻ, താൻ ഇടാത്ത മുട്ട പൊരുന്നിരിക്കുന്ന തിത്തിരിപ്പക്ഷിയെപ്പോലെയാകുന്നു; അവന്റെ മദ്ധ്യായുസ്സിങ്കൽ അതു അവനെ വിട്ടുപോകും: ഒടുക്കം അവൻ ഭോഷനായിരിക്കും.

ആദിമുതൽ ഉന്നതമായി മഹത്വമുള്ള സിംഹാസനമേ, ഞങ്ങളുടെ വിശുദ്ധമന്ദിരസ്ഥാനമേ,

അതിനാൽ, ദൈവം നമ്മോട് ചോദിക്കുന്നതെന്തെന്നാൽ യെശയ്യാവു 66: 1, 2 യഹോവ ഇപ്രകാരം അരുളിച്ചെയ്യുന്നു: സ്വർ‍ഗ്ഗം എന്റെ സിംഹാസനവും ഭൂമി എന്റെ പാദപീഠവും ആകുന്നു; നിങ്ങൾ എനിക്കു പണിയുന്ന ആലയം ഏതുവിധം? എന്റെ വിശ്രാമസ്ഥലവും ഏതു?

എന്റെ കൈ ഇതൊക്കെയും ഉണ്ടാക്കി; അങ്ങനെയാകുന്നു ഇതൊക്കെയും ഉളവായതു എന്നു യഹോവ അരുളിച്ചെയ്യുന്നു; എങ്കിലും അരിഷ്ടനും മനസ്സു തകർ‍ന്നവനും എന്റെ വചനത്തിങ്കൽ വിറെക്കുന്നവനുമായ മനുഷ്യനെ ഞാൻ കടാക്ഷിക്കും.

പ്രിയമുള്ളവരേ, മനുഷ്യ കൈകൊണ്ട് നിർമ്മിച്ച ആലയത്തിൽ  ദൈവം വസിക്കുന്നില്ല. അവന്റെ ഇഷ്ടം, നാം അവൻ വസിക്കുന്ന ആലയമായും, അവൻ വസിക്കുന്ന വാസസ്ഥലമായും മാറണമെന്നാണ് ദൈവഹിതം. അതുകൊണ്ടാണ്, എല്ലാ ദിവസവും ദൈവം നമുക്ക് സ്വർഗ്ഗീയ മന്നാ നൽകുന്നത്, അത് ദൈവവചനമാണ്, അതുതന്നെ നമ്മെ പോഷിപ്പിക്കുന്നതു. അതിനാൽ, നാം ദൈവവചനത്താൽ നിർമ്മിച്ച ഒരു  ആലയമായിമാറണം. അതിൽ നീതിയും ന്യായവും മാത്രമേ ഉണ്ടാകൂ. അതാണ് അവന്റെ സിംഹാസനത്തിന്റെ അടിസ്ഥാനം. അതുകൊണ്ടാണ്, എന്റെ വചനത്തിങ്കൽ വിറെക്കുന്നവനുമായ മനുഷ്യനെ ഞാൻ കടാക്ഷിക്കും എന്നു ദൈവം പറയുന്നത്. ദൈവവചനംകൊണ്ടും പ്രാർത്ഥനകൊണ്ടും ആലയം പണിതിട്ടുണ്ടെങ്കിൽ, അവന്റെ മഹത്വം പ്രകടമാകും.

സങ്കീർത്തനങ്ങൾ 19: 1 ആകാശം ദൈവത്തിന്റെ മഹത്വത്തെ വർണ്ണിക്കുന്നു; ആകാശവിതാനം അവന്റെ കൈവേലയെ പ്രസിദ്ധമാക്കുന്നു.

ആകാശം എന്നാൽ ദൈവത്തിന്റെ രക്ഷ ലഭിച്ചവർ, ദൈവവചനത്തിൽ നിറഞ്ഞു, അവരുടെ ആത്മാവിൽ നീതിയും ന്യായവും സ്ഥാപിച്ചവർ. അവരിൽ, ദൈവത്തിന്റെ മഹത്വം നിരന്തരം വെളിപ്പെടും.

നാം ഭൂമി എന്ന് പറയുമ്പോൾ, ദൈവം രക്ഷിച്ചെങ്കിലും അവരുടെ ആത്മാവ് പൂർണ്ണമായ മാറ്റത്തിന് വിധേയമായിട്ടില്ല. നീതിയും ന്യായവും അവരിൽ കുറവായിരിക്കും.

ആകാശ വിതാനം എന്നതു നമ്മുടെ ആത്മാവ് ദൈവത്തിന്റെ മഹത്വത്തിൽ നിറയുമ്പോൾ, നമ്മുടെ മണവാളനായ ക്രിസ്തു മഹത്വീകരിക്കപ്പെടുമെന്ന് സൂചിപ്പിക്കുന്നു. മണവാളൻ എവിടെയാണോ അവിടെ മണവാട്ടിയും ഉണ്ട്. (പരിശുദ്ധാത്മാവ്)

അതുകൊണ്ടാണ്, ആകാശ വിതാനം അവന്റെ കൈ വേലയെ പ്രസിദ്ധമാക്കുന്നതു. നമ്മുടെ ദൈവത്തിന്റെ പ്രവൃത്തികളെക്കുറിച്ച് പരിശുദ്ധാത്മാവ് എപ്പോഴും നമ്മെ ഉപദേശിക്കുന്നു.

അതുകൊണ്ടാണ്, സ്വർ‍ഗ്ഗം എന്റെ സിംഹാസനവും ഭൂമി എന്റെ പാദപീഠവും ആകുന്നു; നിങ്ങൾ എനിക്കു പണിയുന്ന ആലയം ഏതുവിധം? എന്നു കേൾക്കാൻ കാരണം ഇതാണെന്നു നാം മനസ്സിലാക്കണം.

കർത്താവ് നമ്മിൽ വാഴുന്നു. സങ്കീർത്തനങ്ങൾ 96: 9, 10 വിശുദ്ധ വസ്ത്രാലങ്കാരത്തോടെ യഹോവയെ നമസ്കരിപ്പിൻ; സകല ഭൂവാസികളുമായുള്ളോരേ, അവന്റെ മുമ്പിൽ നടുങ്ങുവിൻ.

യഹോവ വാഴുന്നു എന്നു ജാതികളുടെ ഇടയിൽ പറവിൻ; ഭൂലോകവും ഇളകാതെ ഉറെച്ചുനില്ക്കുന്നു; അവൻ ജാതികളെ നേരോടെ വിധിക്കും.

പ്രിയമുള്ളവരേ നമ്മിൽ ദൈവത്തിന്റെ ആലയത്തിനു  എതിരായി നമ്മളിലുള്ള എല്ലാ തിൻമകളും, ദുഷ്പ്രവർത്തികളും ദോഷങ്ങൾ എല്ലാം നശിപ്പിക്കാൻ വേണ്ടി  ദൈവം രാജ്യഭാരം ഏൽക്കുന്നു. അതാണ് ദൈവം മോശയോട് വ്യക്തമാക്കുന്നത്. അവൻ മിസ്രയീമുകാരെ ബാധകളാൽ ന്യായം വിധിക്കുന്നു. നമ്മുടെ രാജ്യങ്ങളും ഈ ദിവസങ്ങളിൽ ബാധകളാൽ ബാധിക്കപ്പെടുന്നുവെങ്കിൽ, മഹാമാരി എന്നതിന്റെ അർത്ഥം അത് ദൈവത്തിന്റെ ന്യായവിധിയാണെന്ന് നാം മനസ്സിലാക്കണം, ഈ ദിവസത്തിൽ നാം സത്യ ദൈവവചനത്തെ നമ്മുടെ അരയിൽ കെട്ടണം, നാമെല്ലാവരും അവന്റെ മഹത്വം വെളിപ്പെടുന്ന ദൈവാലയമായി മാറണം. നാം ഇത് മറ്റുള്ളവരുമായി പങ്കിടണം. എല്ലാവരും വീണ്ടെടുക്കപ്പെടുകയും സംരക്ഷിക്കപ്പെടുകയും വേണം.

അതുകൊണ്ടാണ് സങ്കീർത്തനങ്ങൾ 96: 11 - 13 ൽ ആകാശം സന്തോഷിക്കയും ഭൂമി ആനന്ദിക്കയും സമുദ്രവും അതിന്റെ നിറെവും മുഴങ്ങുകയും ചെയ്യട്ടെ.

വയലും അതിലുള്ളതൊക്കെയും ആഹ്ളാദിക്കട്ടെ; അപ്പോൾ കാട്ടിലെ സകലവൃക്ഷങ്ങളും ഉല്ലസിച്ചുഘോഷിക്കും.

യഹോവയുടെ സന്നിധിയിൽ തന്നേ; അവൻ വരുന്നുവല്ലോ; അവൻ ഭൂമിയെ വിധിപ്പാൻ വരുന്നു; അവൻ ഭൂലോകത്തെ നീതിയോടും ജാതികളെ വിശ്വസ്തതയോടുംകൂടെ വിധിക്കും.

പ്രിയമുള്ളവരേ, ഈ സമയം നാം വായിക്കുന്ന വേദ ഭാഗം ക്ഷമയോടും, ആഴമായി ദൈവാത്മാവിൽ ധ്യാനത്തോടു വായിച്ചു നമ്മെ സമർപ്പിച്ചാൽ,  എപ്രകാരമുള്ള ബാധയും ,മഹാമാരിയും, പകർച്ചവ്യാധിയും, കഷ്ടവും വരാതെ  ദൈവം എല്ലാ കഷ്ടങ്ങളിൽ നിന്നും നീക്കി വിടുവിക്കും  .

നമുക്ക് പ്രാർത്ഥിക്കാം. കർത്താവ് നിങ്ങളെ എല്ലാവരെയും അനുഗ്രഹിക്കട്ടെ. 

-തുടർച്ച നാളെ.