ദൈവനാമത്തിനു മഹത്വം ഉണ്ടാകട്ടെ

ലേവ്യപുസ്തകം 20:6

വെളിച്ചപ്പാടന്മാരുടെയും മന്ത്രവാദികളുടെയും പിന്നാലെ പരസംഗം ചെയ്‍വാൻ പോകുന്നവന്റെ നേരെയും ഞാൻ ദൃഷ്ടിവെച്ചു അവനെ അവന്റെ ജനത്തിൽനിന്നു ഛേദിച്ചുകളയും.

കർത്താവായ യേശുക്രിസ്തുവിന്റെ കൃപ നിങ്ങൾ എല്ലാവരോടും കൂടെ ഇരിക്കുമാറാകട്ടെ, ആമേൻ.

ഹല്ലേലൂയ്യാ 

മണവാട്ടി സഭയായ നാം  ഒരിക്കലും ഒരു കാരണവശാലും ശൗലിനെപ്പോലെ  വെളിച്ചപ്പാടന്മാർക്കും  മന്ത്രവാദികൾക്കും  നമ്മുടെ `ഹൃദയത്തിൽ സ്ഥാനം  കൊടുക്കരുത്.

     കർത്താവിൽ പ്രിയമുള്ളവരേ, കഴിഞ്ഞ ദിവസം നാം ധ്യാനിച്ച വേദ ഭാഗത്തു, മണവാട്ടി സഭയായ നാം  ശത്രുക്കളെ ജയിക്കണമെങ്കിൽ ക്രിസ്തുവിന്റെ കൃപ പ്രാപിക്കണം. എന്ന് നാം ധ്യാനിച്ചു. കൂടാതെ അടുത്തതായി നാം  ധ്യാനിക്കുന്നത്,

1 ശമൂവേൽ 28:1–14

ആകാലത്തു ഫെലിസ്ത്യർ യിസ്രായേലിനോടു പടവെട്ടേണ്ടതിന്നു തങ്ങളുടെ സേനകളെ ഒന്നിച്ചുകൂട്ടി; അപ്പോൾ ആഖീശ് ദാവീദിനോടു: നീയും നിന്റെ ആളുകളും എന്നോടുകൂടെ യുദ്ധത്തിന്നു പോരേണം എന്നു അറിഞ്ഞുകൊൾക എന്നു പറഞ്ഞു.

 എന്നാറെ ദാവീദ് ആഖീശിനോടു: അടിയൻ എന്തു ചെയ്യും എന്നു നീ കണ്ടറിയും എന്നു പറഞ്ഞു. ആഖീശ് ദാവീദിനോടു: അതു കെണ്ടു ഞാൻ നിന്നെ എപ്പോഴും എന്റെ മെയ്ക്കാവലാക്കും എന്നു പറഞ്ഞു.

 എന്നാൽ ശമൂവേൽ മരിച്ചുപോയിരുന്നു; യിസ്രായേലെല്ലാം അവനെക്കുറിച്ചു വിലപിച്ചു അവന്റെ സ്വന്തപട്ടണമായ രാമയിൽ അവനെ അടക്കം ചെയ്തിരുന്നു. ശൌലോ വെളിച്ചപ്പാടന്മാരെയും മന്ത്രവാദികളെയും ദേശത്തുനിന്നു നീക്കിക്കളഞ്ഞിരുന്നു.

 എന്നാൽ ഫെലിസ്ത്യർ ഒന്നിച്ചുകൂടി ശൂനേമിൽ പാളയം ഇറങ്ങി; ശൌലും എല്ലായിസ്രായേലിനെയും ഒന്നിച്ചുകൂട്ടി ഗിൽബോവയിൽ പാളയം ഇറങ്ങി.

 ശൌൽ ഫെലിസ്ത്യരുടെ സൈന്യത്തെ കണ്ടു ഭയപ്പെട്ടു അവന്റെ ഹൃദയം ഏറ്റവും വിറെച്ചു.

 ശൌൽ യഹോവയോടു ചോദിച്ചാറെ യഹോവ അവനോടു സ്വപ്നംകൊണ്ടോ ഊറീംകൊണ്ടോ പ്രവാചകന്മാരെക്കൊണ്ടോ ഉത്തരം അരുളിയില്ല.

 അപ്പോൾ ശൌൽ തന്റെ ഭൃത്യന്മാരോടു: എനിക്കു ഒരു വെളിച്ചപ്പാടത്തിയെ അന്വേഷിപ്പിൻ; ഞാൻ അവളുടെ അടുക്കൽ ചെന്നു ചോദിക്കും എന്നു പറഞ്ഞു. അവന്റെ ഭൃത്യന്മാർ അവനോടു: ഏൻ-ദോരിൽ ഒരു വെളിച്ചപ്പാടത്തി ഉണ്ടു എന്നു പറഞ്ഞു.

 ശൌൽ വേഷംമാറി വേറെ വസ്ത്രം ധരിച്ചു രണ്ടാളെയും കൂട്ടി പോയി രാത്രിയിൽ ആ സ്ത്രീയുടെ അടുക്കൽ എത്തി: വെളിച്ചപ്പാടാത്മാവുകൊണ്ടു നീ എനിക്കായി പ്രശ്നം നോക്കുകയും ഞാൻ പറയുന്നവനെ വരുത്തിത്തരികയും ചെയ്യേണം എന്നു പറഞ്ഞു.

 സ്ത്രീ അവനോടു: ശൌൽ ചെയ്തിട്ടുള്ളതു, അവൻ വെളിച്ചപ്പാടന്മാരെയും മന്ത്രവാദികളെയും ദേശത്തുനിന്നു ഛേദിച്ചുകളഞ്ഞതുതന്നേ നീ അറിയുന്നുവല്ലോ; എന്നെ കൊല്ലിപ്പാൻ നീ എന്റെ ജീവന്നു കണി വെക്കുന്നതു എന്തിന്നു എന്നു പറഞ്ഞു.

 യഹോവയാണ ഈ കാര്യംകൊണ്ടു നിനക്കു ഒരു ദോഷവും ഭവിക്കയില്ല എന്നു ശൌൽ യഹോവയുടെ നാമത്തിൽ അവളോടു സത്യം ചെയ്തു പറഞ്ഞു.

 ഞാൻ ആരെ വരുത്തിത്തരേണ്ടു എന്നു സ്ത്രീ ചോദിച്ചതിന്നു: ശമൂവേലിനെ വരുത്തിത്തരേണം എന്നു അവൻ പറഞ്ഞു.

 സ്ത്രീ ശമൂവേലിനെ കണ്ടപ്പോൾ ഉച്ചത്തിൽ നിലവിളിച്ചു, ശൌലിനോടു: നീ എന്നെ ചതിച്ചതു എന്തു? നീ ശൌൽ ആകുന്നുവല്ലോ എന്നു പറഞ്ഞു.

 രാജാവു അവളോടു: ഭയപ്പെടേണ്ടാ; നീ കാണുന്നതു എന്തു എന്നു ചോദിച്ചതിന്നു: ഒരു ദേവൻ ഭൂമിയിൽനിന്നു കയറിവരുന്നതു ഞാൻ കാണുന്നു എന്നു സ്ത്രീ ശൌലിനോടു പറഞ്ഞു.

 അവൻ അവളോടു: അവന്റെ രൂപം എന്തു എന്നു ചോദിച്ചതിന്നു അവൾ: ഒരു വൃദ്ധൻ കയറിവരുന്നു; അവൻ ഒരു അങ്കിയും ധരിച്ചിരിക്കുന്നു എന്നു പറഞ്ഞു. എന്നാറെ അതു ശമൂവേൽ എന്നറിഞ്ഞു ശൌൽ സാഷ്ടാംഗം വീണു നമസ്കരിച്ചു.

       പ്രിയമുള്ളവരേ  ഫെലിസ്ത്യർ എന്നാൽ പരിച്ഛേദന ഇല്ലാത്തവർ യിസ്രായേൽമക്കൾ നേരായ് നടന്നാൽ ഏതുകാരണത്താലും  ഫെലിസ്ത്യരെ ഭയപ്പെടേണ്ടതില്ല. എന്നാൽ ഫെലിസ്ത്യർ പാളയമിറങ്ങിയിരിക്കുന്നത് കണ്ടപ്പോൾ ശൗൽ ഭയപ്പെടുന്നു. കാരണം, യുദ്ധം ജയിക്കാൻ ദാവീദ് അവിടെ ഉണ്ടായിരുന്നില്ല; ദാവീദ് ശൗലിനെ ഭയന്ന് ഗത്ത് പട്ടണത്തിൽ  ആഖീശിന്റെ സമീപം  ഓടിപ്പോയി. എന്നാൽ ദാവീദും അവന്റെ ആളുകളും ഗെശൂർയ്യരെയും ഗെസ്രിയരെയും അമാലേക്യരെയും ചെന്നു ആക്രമിച്ചു. എന്നാൽ അവൻ ദാവീദിനെ യിസ്രായേല്യരുമായി യുദ്ധത്തിന് വിളിക്കുന്നു. ശൌൽ ഫെലിസ്ത്യരുടെ സൈന്യത്തെ കണ്ടു ഭയപ്പെട്ടു അവന്റെ ഹൃദയം ഏറ്റവും വിറെച്ചു. ശൌൽ യഹോവയോടു ചോദിച്ചാറെ യഹോവ അവനോടു സ്വപ്നംകൊണ്ടോ ഊറീംകൊണ്ടോ പ്രവാചകന്മാരെക്കൊണ്ടോ ഉത്തരം അരുളിയില്ല. അപ്പോൾ ശൌൽ തന്റെ ഭൃത്യന്മാരോടു:  ഒരു വെളിച്ചപ്പാടത്തിയെ അന്വേഷിക്കാൻ പറയുന്നു. എന്തെന്നാൽ  യഹോവയുടെ കല്പനപ്രകാരം  യിസ്രായേലിൽ വെളിച്ചപ്പാടും   മന്ത്രവാദവും ഇപ്രകാരമുള്ള  ദുഷ്‌ക്രിയകൾ  ഉണ്ടാകരുതു. ശൗൽ വെളിച്ചപ്പാടന്മാരെയും മന്ത്രവാദികളെയും ദേശത്തുനിന്നു ഛേദിച്ചുകളഞ്ഞിരുന്നു. അങ്ങനെ ശൌൽ വേഷംമാറി വേറെ വസ്ത്രം ധരിച്ചു രണ്ടാളെയും കൂട്ടി പോയി രാത്രിയിൽ ആ സ്ത്രീയുടെ അടുക്കൽ എത്തി, വെളിച്ചപ്പാടാത്മാവുകൊണ്ടു നീ എനിക്കായി പ്രശ്നം നോക്കി ശമൂവേലിനെ വരുത്തിത്തരേണം എന്നു അവൻ പറഞ്ഞു. ഒരു ദേവൻ ഭൂമിയിൽനിന്നു കയറിവരുന്നതു ഞാൻ കാണുന്നു എന്നു സ്ത്രീ ശൌലിനോടു പറഞ്ഞു. അവൻ അവളോടു: അവന്റെ രൂപം എന്തു എന്നു ചോദിച്ചതിന്നു അവൾ: ഒരു വൃദ്ധൻ കയറിവരുന്നു; അവൻ ഒരു അങ്കിയും ധരിച്ചിരിക്കുന്നു എന്നു പറഞ്ഞു

 ഇതുപോലെയുള്ള അനേകർക്ക്, കർത്താവ് ഉടനെ മറുപടി നല്കാതിരുന്നാൽ അവർ കർത്താവിന്റെ കൽപ്പന ലംഘിക്കുകയും അവരുടെ ഹൃദയങ്ങളിൽ തെറ്റായ ഉപദേശങ്ങൾക്ക് ഇടം നൽകുകയും അവരുടെ ജീവിതം നശിപ്പിക്കുകയും ചെയ്യുന്നു. ഇതിനെ ദൃഷ്ടാന്തപ്പെടുത്തുന്ന കാര്യം  ഫെലിസ്ത്യരുടെ പ്രവൃത്തികളാൽ നമ്മുടെ ആത്മാക്കൾ വഞ്ചിക്കപ്പെടുമ്പോൾ,  വിവിധ ലോക മോഹങ്ങളുമായി പരസ്ത്രീ പ്രവർത്തിക്കും. എന്നാൽ അനേകർക്ക്‌ അത്  ഉപേക്ഷിക്കാൻ കഴിയാത്തതിനാൽ  കർത്താവ് അവരിൽ നിന്ന് അകന്നുപോകുന്നു, അങ്ങനെ കർത്താവ് അകന്നുപോകുന്നതിനാൽ, തങ്ങൾ എന്തുചെയ്യണമെന്ന് അറിയാതെ വെളിച്ചപ്പാടന്മാരെയും മന്ത്രവാദികളെയും പ്രശ്നംനോക്കുന്നവരെയും അന്യോഷിച്ചുപോയി ദൈവകൃപ നഷ്ടപ്പെടുത്തുന്നു. അങ്ങനെയുള്ളവർക്ക് ശൗലിനെപ്പോലെ പിന്നെ ദൈവകൃപ പ്രാപിക്കാൻ സാധിക്കാതെ ആത്മാവ് പാതാളത്തിൽ വീഴുന്നു    എന്നാൽ നമ്മൾ അങ്ങനെ ചെയ്യാതെ, കർത്താവിൽ മാത്രം ആശ്രയിച്ചു ജീവിക്കാൻ നമ്മെ സമർപ്പിക്കാം നമുക്ക് പ്രാർത്ഥിക്കാം.

കർത്താവ് എല്ലാവരെയും സമൃദ്ധിയായി അനുഗ്രഹിക്കുമാറാകട്ടെ.                                                                   തുടർച്ച നാളെ.