ദൈവനാമത്തിനു മഹത്വം ഉണ്ടാകട്ടെ

ഗലാത്യർ 6 : 7 വഞ്ചനപ്പെടാതിരിപ്പിൻ; ദൈവത്തെ പരിഹസിച്ചുകൂടാ; മനുഷ്യൻ വിതെക്കുന്നതു തന്നേ കൊയ്യും. 

ഹല്ലേലൂയ്യാ 

മണവാട്ടി സഭയായ  നാം   എല്ലായ്പ്പോഴും ജ്ഞാനികളായി (പരിശുദ്ധാത്മാവിന്റെ പൂർണ്ണതയോടെ) നടക്കണം.

     കർത്താവിൽ പ്രിയമുള്ളവരേ, കഴിഞ്ഞ ദിവസം നാം ധ്യാനിച്ച വേദ ഭാഗത്തു, മണവാട്ടി സഭയായ  നമുക്കു ഹൃദയത്തിൽ  അസൂയ വരാതെ  സൂക്ഷിക്കണം. എന്നതിനെക്കുറിച്ചു നാം ധ്യാനിച്ചു. കൂടാതെ അടുത്തതായി നാം  ധ്യാനിക്കുന്നത്, 1 ശമൂവേൽ 18:9 –16 അന്നുമുതൽ ശൌലിന്നു ദാവീദിനോടു കണ്ണുകടി തുടങ്ങി.

 പിറ്റെന്നാൾ ദൈവത്തിന്റെ പക്കൽ നിന്നുള്ള ദുരാത്മാവു ശൌലിന്മേൽ വന്നു; അവൻ അരമനക്കകത്തു ഉറഞ്ഞുപറഞ്ഞു; ദാവീദോ പതിവുപോലെ കിന്നരം വായിച്ചുകൊണ്ടിരുന്നു; ശൌലിന്റെ കയ്യിൽ ഒരു കുന്തം ഉണ്ടായിരുന്നു.

 ദാവീദിനെ ചുവരോടുചേർത്തു കുത്തുവാൻ വിചാരിച്ചുകൊണ്ടു ശൌൽ കുന്തം ചാടി; എന്നാൽ ദാവീദ് രണ്ടു പ്രാവശ്യം അവന്റെ മുമ്പിൽനിന്നു മാറിക്കളഞ്ഞു.

 യഹോവ ദാവീദിനോടുകൂടെ ഇരിക്കയും ശൌലിനെ വിട്ടുമാറുകയും ചെയ്തതുകൊണ്ടു ശൌൽ ദാവീദിനെ ഭയപ്പെട്ടു.

 അതുകൊണ്ടു ശൌൽ അവനെ തന്റെ അടുക്കൽനിന്നു മാറ്റി സഹസ്രാധിപനാക്കി; അങ്ങനെ അവൻ ജനത്തിന്നു നായകനായി പെരുമാറിപ്പോന്നു.

 ദാവീദ് തന്റെ എല്ലാവഴികളിലും വിവേകത്തോടെ നടന്നു; യഹോവ അവനോടുകൂടെ ഉണ്ടായിരുന്നു.

 അവൻ ഏറ്റവും വിവേകത്തോടെ നടക്കുന്നു എന്നു ശൌൽ കണ്ടിട്ടു അവങ്കൽ ആശങ്കിതനായ്തീർന്നു.

എന്നാൽ ദാവീദ് യിസ്രായേലിന്നും യെഹൂദെക്കും നായകനായി പെരുമാറിയതുകൊണ്ടു അവരൊക്കെയും അവനെ സ്നേഹിച്ചു.

     മുകളിലെ വാക്യങ്ങളിൽ, ശൗലിന്റെ  ഹൃദയത്തിലെ അസൂയ നിമിത്തം ദൈവത്തിന്റെ പക്കൽ നിന്നുള്ള ദുരാത്മാവു ശൌലിന്മേൽ വന്നു. പ്രിയമുള്ളവരേ, അസൂയ നിമിത്തം  ദുരാത്മാവിനെ അയക്കുന്നു എന്നതാകുന്നു  മേൽപ്പറഞ്ഞ വാക്കുകളുടെ അർത്ഥം. എന്നാൽ യഥാർത്ഥ ആത്മാവായ കർത്താവിന്റെ ആത്മാവിനെ നാം സ്വീകരിച്ചിട്ടുണ്ടെങ്കിൽ, നാം എല്ലായിടത്തും ക്ഷമയോടെയും വിവേകത്തോടെയും നടക്കും. നാം സത്യമായും വിശുദ്ധമായും പെരുമാറിയാൽ, നല്ല ആത്മാവുളളവരോടുള്ള അസൂയ നിമിത്തം ദുരാത്മാവുളളവർ  പലതരം തന്ത്രങ്ങളാൽ നമുക്കുവിരോധമായി സംസാരിക്കുകയും,  പലതും പ്രവർത്തിക്കുകയും ചെയ്യും. കൗശലപൂർവമായ പല തെറ്റായ ഉപദേശങ്ങളാൽ  അവർ ജനങ്ങളെ  അവരുടെ വഴിക്ക് തിരിക്കുന്നു. എന്നാൽ ഇത്തരം കാര്യങ്ങൾ വരുമ്പോൾ നാം തളരുകയോ നിരാശപ്പെടുകയോ ചെയ്യരുത്. നാം കർത്താവിനോട് കൂടുതൽ അടുക്കുകയും വിശുദ്ധിയിൽ വളരുകയും ചെയ്താൽ, നമുക്കെതിരായി  വിതയ്ക്കുന്നവർ  അതിനനുസരിച്ച് പ്രതിഫലം പ്രാപിക്കുമെന്നതിൽ സംശയമില്ല. ദാവീദിനെതിരെ ശൗൽ പ്രവർത്തിച്ചത് ഇങ്ങനെയാണ്; എന്നാൽ  ദാവീദിനു തൽക്കാലം ശൗലിൽനിന്ന് പ്രയാസം ഉണ്ടായാലും യഹോവ അവനോടുകൂടെ ഉണ്ടായിരുന്നു. എന്നാൽ ശൗലിന് ദാവീദിനോട് അസൂയ തോന്നിയതിനാൽ അതേ ദാവീദിന്റെ അടുത്തേക്ക് പോകേണ്ടിവന്നു. അതിനാൽ ഇത് വായിക്കുന്ന പ്രിയമുള്ളവരേ, നാമെല്ലാവരും  ജാഗ്രതയോടെ ദൈവസന്നിധിയിലേക്കു മടങ്ങിവരാം. എന്നാലും, കർത്താവിനെ അറിഞ്ഞതിനുശേഷം, ഓരോരുത്തരും  വിതച്ച വിത്തിന്റെ പ്രതിഫലം നാം പ്രാപിക്കും. അതുകൊണ്ടു  ഇപ്പോൾ തന്നെ നാം മാനസാന്തരപ്പെട്ട് പാപക്ഷമ പ്രാപിച്ചു ശൗലിനെപ്പോലെ  നശിച്ചുപോകാതെ ദൈവസന്നിധിയിൽ നമ്മെ സമർപ്പിക്കാം. നമുക്ക് പ്രാർത്ഥിക്കാം.

കർത്താവ് എല്ലാവരെയും സമൃദ്ധിയായി അനുഗ്രഹിക്കുമാറാകട്ടെ.                                                                                 

തുടർച്ച നാളെ.